Tayfur

"Tayfur" asari XIX asrning ikkinchi yarmida Markaziy Osiyodagi tarixiy voqealar - Rossiya imperiyasining Turkistonga bosqini, Qo'qon va Buxoro xonliklarining tanazzuli, shuningdek, O'ratepa shahri va unga yaqin hududlardagi xalq turmushi, yurtparvar insonlarning kurashi va yuraklarni titratar fojiali taqdirlarini tasvirlaydi. Asar markazida turli ijtimoiy qatlam va tabaqalarga mansub shaxslar obrazi orqali murakkab tarixiy voqelik, inson ruhiyatidagi kechinmalar va milliy o'zlik masalalari yoritilgan. Uning bosh qahramoni - Tayfur, o'zining sirli o'tmishi, ichki ziddiyatlari, muhabbat sabab yuzaga kelgan fojiali qismati bilan asar dramatizmini oshiradi. Asar o'quvchini XIX asr Turkistonining g'amgin, lekin sharafli sahifalariga boshlaydi. Rus bosqini arafasidagi O'ratepa va Toshkent shaharlarining hayoti, milliy birlikka chaqiruv, shahar muhofazasidagi xalq jasorati va ayni paytda sodir bo'layotgan ichkaridagi xiyonatlar kalbni titratmay koldirmaydi. Tarixiy voqelik, xalq og'zida saqlangan rivoyatlar va qahramonlar taqdiri o'rtasida muallif mahorat bilan badiiy ko'prik qurgan. Betma-bet o'qir ekansiz, bu asar faqat o'tmish haqida emas, balki bugun va ertaning ham dardi ekanini his etasiz.