Mehrigiyoh (mashhur qo'shiqlar kutubxonasi)

Xalq tili bilan aytiladigan ashulalar hamma davrlarda barcha toifalarning hamisha sevib tinglaydigan qo'shiqlari bo'lganligini e'tiborda tutib, "mashhur qo'shiqlar kutubxonasi" ruknini milliy qo'shiqchiligimizning oltin fondidan joy olgan eng mashhur ashulalardan dastalangan kitob bilan boshlashni ma'qul topdik. Chunki xalq og'zaki ijodi yozma adabiyotning sarchashmasi hisoblanadi. Xalq ijodkorligining bebaho durdonlari bo'lgan mazkur qo'shiqlarning shakli ixcham, mazmuni chuqur va serqirra, timsolu tashbehlari go'zal va betakror, so'z va iboralari nozik, ta'sirchan,tili sodda va tushunarli, uslubi ravon va jarangdor bo'lganligi uchun ham qadimdan keng tarqalgan va ommabop bo'lgan. Shuning uchun ham san'atkorlar xalq qo'shiqlariga doimiy ravishda murojaat qilib kelishgan. Xalq baxshilari va folklor ijrochilari og'zidan yozib olingan she'ru qo'shiqlar emas, balki aynan kuyga solinib, hofizlar va xonandalar tomonidan ijro etib kelinayogan ashulalardan tartib berilganligi jihatidan mazkur majmua madaniyat va san'at ahli uchun o'ziga xos qo'llanma bo'lishi bilan birga qo'shiqsevar xalqimizga ham munosib tuhfa bo'ladi. Tuzuvchi va to'plovchi: Ergash Ochilov Ko'proq ko'rish