Tuzoq o'yin boshlandi

Halol va vijdonli insonga hamisha qiyin bo'lgan. Gap uning faqatgina qanday yashashida emas, balki atrofidagi odamlarning tish qayrashi, halovatini buzishi, payt poylab orqadan pichoq urishida. Axir sofdil, pokdomon inson ularning yo'lini to'sadi-da! Badastir, to'q-farovon kun kechirishlariga monelik qiladi. Axir, qanchadan-qancha puchmoqlardan mullajiring kelib turibdi. Bu erinmagan banda esa ne-ne jinoyatlarni ochmoqchi, kazo-kazo amaldorlarning tagiga suv quymoqchi! Hay-hay demasang, tuppa-tuzuk serdaromad korxonaning avra-astarini ag'daradi! Shunday ekan, tezda oldini olish, bu odamning tanobini tortib qo'yish kerak. Turli sarguzashtlarga boy ushbu asar katta qiziqish bilan o'qiladi. Unda jamiyatdagi ochko'zlik, poraxo'rlik, mansabni suiiste'mol qilish va boshqa illatlar ochib beriladi. Qamoqdagi hayot, aldamchilik, xoinlik qattiq qoralanadi. Ulkan jinoiy to'daga qarshi kurashga otlangan qahramonning niyatlari ushalarmikan? Bu yo'ldagi o'yinlarga bardosh berarmikan u? Darvoke, tuzoq kimga qo'yiladi?..