Rasululloh sollallohu alayhi vasallamga muhabbat haqida 101 qissa

Ushbu to'plamda Abu Mahzura kabi: «Qanday qilib sochimni kaltalatay, axir unga Rasulullohning qo'llari tekkan bo'lsa», deydigan sahobalar, Rasululloh sollallohu alayhi vasallam ushlagani uchungina Anas roziyallohu anhuning qo'lini o'payotgan tobe'inlar bilan yuzma - yuz kelasiz. Ey qadrdon birodarim, ushbu kitob Rasululloh sollallohu alayhi vasallamga bo'lgan muhabbatning vasfi, u zotga oshiq bo'lish yo'llarini bayon etib, suyukli Payg'ambarimiz uchun siz nimalar qilganingiz haqida ham so'rab o'tadi. Rasulullohga bo'lgan talpinishingiz, zavqu shavqingiz, g'ayratingizni oshirib, so'nib qolgan ishqingizni alanga oldirishga urinadi. Endi Payg'ambar sollallohu alayxi vasallam biz uchun kim ekani, qay darajada ahamiyatli zot bo'lganlarini yana-da yaxshiroq his qilishimiz uchun g'arblik ba'zi taniqli kishilarning so'zlarini keltiraman: Irlandiyalik adib Bernard Shou Payg'ambarimiz sollallohu alayhi vasallam hayotlaridan hayratlanib: «Shubhasiz, Muhammad insoniyat xaloskoridir. Agar uningdek inson bugungi dunyo boshqaruvini qo'liga olsa, men aniq ishonamanki, barcha muammolarni hal qilib, insoniyatni tinchlik va saodatga eltadi», degan.