Sog'lom bola

Farzand ne'mati Alloh taoloning bandalariga beradigan son-sanoqsiz ne'matlari ichida eng ulug' ne'matlardan biridir. Bu ne'matning ulug'ligini, uni Alloh taolodan boshqa zot bera olmasligini to'liq anglab yetish uchun befarzandlarning holiga nazar solish kerak. Ana shunda inson farzand ne'mati qanchalar ulug' ne'mat ekanini tushunadi. Katta-kichik har bir ne'mat yetganda ne'mat beruvchiga shukrona keltirish insonning sof tabiatida muvjud haqiqatdir. Shukr esa ikki qismdan iborat: Birinchisi – ma'naviy shukr bo'lib, ne'mat beruvchining sha'niga maqtov so'zlarini aytishdir. Ikkinchisi – amaliy shukr bo'lib, ne'matni ne'mat beruvchini rozi qiladigan tarzda tasarruf etishdir. Farzand ne'matiga ma'naviy shukr qilish uni bergan Alloh taologa hamd va shukr so'zlarini til bilan aytib, dil bilan tasdiqlashdan iboratdir. Farzand ne'matiga amaliy shukr qilish o'sha farzandni uni bergan Alloh taologa iymon keltiradigan, ibodat qiladigan solih banda qilib o'stirishdan iboratdir. Buning uchun esa eng avval Islomda ota-onaning farzand oldidagi burchlariga aylantirilgan amallarni ixlos bilan bajarish kerak. Ota-onaning farzand oldidagi burchlaridan biri uni sog'lom qilib voyaga yetkazishdir. Ko'proq ko'rish

152 bet. Kuniga 20 daqiqa oʻqisangiz, taxminan 8 kunda tugatasiz.