Oqar daryo

Xayotda faqat halollikni pesha tutgan, Haq yo'ldan chekinmagan “Shoxsanam” romani qahramoni kunlarning birida sudga tortiladi. Ajabki, u o'zini shunday jazoga munosib deb biladi: «So'nggi so'z berildi. Ikki og'iz gapirdim: men shunday jazoga munosibman dedim. Lekin sizlar tiqishtirgan ayblar uchunmas, balki anovi Qonun kitobingizning hech bir moddasida qayd etilmagan jinoyatu xiyonatlarim uchun munosibman dedim...» Darvoqe, inson hayotida hech bir rasmiy hujjatlarda qayd etilmagan azaliy qonun-qoida, aqidalar borki, ularga bepisand bo'lishlikning oqibati halokatlidir. Asar qahramoni o'z iqrornomasida ana shuni nazarda tutgan edi. Aziz o'qirman, mana, adib Orziqul Ergash ijodiy bisotidan tanlab tartib berilgan roman, qissa, hikoyalardan iborat yangi kitobi qo'lingizda. Ishonamizki, undagi bitiklar sizga maroqli mutolaa onlarini tuhfa etadi, ko'ngil mulkingizdan chukur joy oladi.