O'zbekiston obidalaridagi bitiklar Buxoro 1-jild (O'zb-Rus-Eng)

Bugungi kunda mustaqil O'zbekiston epigrafik yodgorliklarning miqdori va noyobligi bo'yicha Markaziy Osiyoda shubhasiz yetakchi mamlakat sanaladi, bu yodgorliklardagi bitiklarning aksariyati ilgari o'rganilmagan edi. Ijodiy guruh ushbu noyob yozma yodgorliklarni qayd etib, sinchiklab o'rganib, tadqiqotlarining ilk natijalarini «O'zbekiston obidalaridagi bitiklar» ko'p jildli nashrida jamlamoqda. Hozirga qadar ko'hna o'zbek zaminida joylashgan tarixiy obidalardagi bitiklar to'liq o'qib-o'rganilmagan edi. Qadimiy bitiklarni tadqiq etish, ularni o'qish va ma'nolarini aniqlashtirish ishlari uchun yodgorliklarning tarixdagi munosib o'rnini tiklagan davlat mustaqilligi tufayligina ilk marta keng imkoniyatlar yaratildi. Ushbu albomlar turkumi O'zbekiston madaniy merosini saqlash, ilmiy o'rganish va ommalashtirishni davlat siyosati darajasiga ko'targan O'zbekiston Respublikasi Prezidenti Sh. M. Mirziyoyevning qator tashabbuslariga to'liq mos keladi. Shunday ekan, mazkur albom Prezidentimizning «Yangi O'zbekiston, yangi istiqbollar» siyosatining bir bo'lagi bo'lib, unda O'zbekiston xalqlarining madaniy merosini maqsadli o'rganish va asrab-avaylash mavzusi alohida o'rin tutadi. O'zbekistonning qadimiy shaharlari ichida Buxoro me'moriy yodgorliklari (masjidlar, madrasalar, tabarruk insonlar qabrlari, qadimiy suv omborlari), shuningdek, epigrafik yodgorliklarining ko'pligi bilan ajralib turadi. Viloyatda mingga yaqin me'moriy yodgorlik davlat muhofazasiga olingan. Ushbu albom o'quvchilarni Buxoroning me'moriy va epigrafik merosi bilan tanishtirishda davom etadi. Unga Buxorodagi va qadimiy shahar atrofidagi eng muhim yodgorliklar kiritilgan. Yodgorliklarni tavsiflash va ulardagi yozuvlarni o'qish uchun XIX asr oxiri va XX asr boshlaridagi eski fotosuratlar, shuningdek, yodgorliklardan nusxa ko'chirilgan muzey eksponatlaridan foydalanilgan. Umid qilamizki, ushbu nashr ko'plab o'quvchilar uchun qiziqarli va foydali bo'ladi. Ko'proq ko'rish

552 bet. Kuniga 20 bet oʻqisangiz, taxminan 28 kunda tugatasiz.