Burch - sharaf, Vatan - yagona

Bu kitob bir zamonlar ko'nglingizdan kechgan-u, ammo Siz ne deb atashni bilmagan tanish tuyg'ulardan so'ylaydi; eng eski, biroq shuning barobarida, eng toza va eng yangi hislardan so'z ochadi. Bu kitob yigitga yigitlikni, insonga odamiylikni, farzandga farzandlikni, burchni, sadoqatni, sharaf nima ekanligini, elning bolasi qanday bo'lishi kerakligini eslatuvchi nazmiy da'vatnomadir. Vatanga, xalqqa, ota-onaga, sevgili yorga, qadrdon do'stga, tabiatga bo'lgan muhabbatini baqadri imkon ifodalashga bel bog'lagan yosh shoirning ushbu kitobi Sizni bee'tibor qoldirmas, degan yaxshi gumondamiz.