Alisher Navoiy

«Hazrat Alisher Navoiy nainki o'rta asrda yashab o'tgan bir mutafakkir, aksincha, u har bir davr uchun zamon kishisi. U bizning donishmand zamondoshimizdir. Ulug' bobomiz asarlarini necha yuz yillar davomida tushunib o'qigan va bugun ham anglab o'qiyotgan insonlar o'z yuraklarini og'ritib qiynayotgan savollarga, o'z zamonasiga oid barcha ma'naviy va ruhiy muammolarga javob topa oladi. Shu ma'noda, hayotda hidoyat qidirgan odam uni hazrat Navoiydan so'rasa, shak-shubhasiz, topkusidir. Bani bashar to hazrat Navoiyga oshno ekan, karvoni adashmas. Insonlar bu benazir zotning zavol bilmas so'zlariga quloq tutar ekan, bu karvon xavfu xatardan xolidir. «Alisher Navoiy- avvalo, Yaratgan Parvardigor va uning ijodi bo'lmish inson zotiga, inson dahosiga ulkan muhabbat, cheksiz ixlos, zavku shavq bilan dunyoga kelgan asar, desak yanglishmagan bo'lamiz».