Yonar daryo (qissa va hikoyalar)

Hakim Nazirning badiiy mahorati o'zbek milliy koloritini to'g'ri va yorqin tasvirlashida, qishloq turmushidan olingan jonli va hayotiy voqea-detallarni ustalik bilan topishda yaqqol ko'rinadi. Adib asarlarida bolalarning xalq mulkini ko'z qorachig'idek asrash xususidagi olijanob tuyg'ulari, mehnatning shon-sharaf ish ekanligi haqidagi tushunchalari o'zining jonli ifodasini topgan. U o'zining "Yonar daryo" qissasini ham shu mahorat maktabi ta'siri ostida yaratdi. Yozuvchi bu asarida bola xarakterining shakllanishida oila va do'stlar muhitining roli ham katta ekanligiga hammaning diqqatini jalb etgan.