Kiprikdagi tun. Saylanma

Munavvara – qalbi yorug' shoira. U borliqqa tiyrak nigoh bilan boqadi. Voqelikdan she'riy falsafa axtaradi. Vatan va xalqning bunyodkorlik qudratini, nurafshon kelajagini g'urur-iftixorga to'lib kuylaydi. Muhabbatning xushnud damlariyu hijron alamlarini yurak-yurakdan tarannum etadi. O'z baxtini farzandlar bahti bilan payvasta ko'radi. Ota-onaga yuksak ehtirom, ularning ayrilig'idan intihosiz anduh ohanglarida ham taqdir zarbalariga toqat, azaliy qonunlarga itoat, hayotga bo'lgan otashin muhabbat barq urib turadi. Shoiraning sermazmun to'rtliklarida ham fikr va ehtiros uyg'unlashib ketgan. Xullas, o'z ovozi, o'z ohangiga ega bo'lgan shoiraning ushbu tuhfasi sizning qalbingizdan ham teran joy oladi degan umiddamiz.