Farhod va Shirin

«Farhod va Shirin» nasriy tabdilining dastlabki nashrida turli sabablar bilan jami 476 bayt tabdil qilinmagan. Bunda aksariyat dahriy tusga ega sovet mafkurasi sabab bo'lgani ehtimoldan xoli emas. Lekin 2006 yilda navoiyshunos olimlar Abduqodir Hayitmetov va Vahob Rahmonov to'ldirib nashrga tayyorlagan dostonda ham barcha baytlar to'la tabdil qilinmagan. Dostonning dastlabki boblari to'la nasriy bayon qilingani holda turli boblar tarkibidagi jami 70 dan ortiq bayt nasriy bayon qilinmay kolib ketgan. Qolaversa, G'afur Fulom nasriy tabdili keyingi nashrlarda deyarli hech kanday o'zgarishsiz qoldirildi. Vaholanki, dastlabki urinishlardan biri bo'lgani sababli akademik shoirimizning tabdili ham bugungi kun talablariga javob bera olmaydi. Shularni hisobga olgan holda «Farhod va Shirin»ning to'la yangi nasriy tabdili amalga oshirildi. Bu xayrli ishni amalga oshirishda, albatta, oldingi barcha tabdilchilarning tajribalaridan kelib chiqildi. Mazkur nashr keyingi yillarda mamlakatimizda Navoiy asarlarini keng targ'ib qilish borasida amalga oshirilayotgan ishlarga salmoqli hissa bo'lib qo'shiladi. Umid qilamizki, ushbu tabdil adabiy jamoatchilik va kitobxonlar tomonidan iliq kutib olinadi.