Qog'ozlar hayqirig'i

G'ulom Egamshukur she'rlarida So'z san'atga aylanib, ajabtovur jilolar taratadi, ayricha tarovat kasb etadi. She'rlardagi hayajon, iztirobli o'ylar, fikr va xayolot ajib bir tarzda uyg'unlashib ketadi. Shoir hayotni, umrni, go'zal tabiatni, ziddiyatlarga to'la alg'ov-dalg'ov dunyoni, inson ruhiyatidagi bezovtalikni juda ta'sirchan ifodalaydi. "Qog'ozlar hayqirig'i"da so'z dardi bilan yashayotgan shoirning zamon bilan chambarchas, bezovta qalbi ko'rinadi. She'rlardagi rang-baranglik, kuyma va ohangdorlik sizni ham befarq qoldirmaydi, degan umiddamiz.