Husayn Voiz Koshifiy «Yaxshi xulqlar»

Buyuk mutafakkir, ilohiyotchi olim, adib va o'z davrida voizlik san'atining yirik namoyandasi bo'lgan Husayn Voiz Koshifiy taxminan 1442-1505-yillarda yashab o'tgan. Uning to'liq ismi Husayn ibn Ali Bayhaqiydir. Yoshligidan voizlik, ya'ni notiqlik bilan shug'ullangani sabab Voiz Koshifiy taxallusi bilan ham mashhur bo'lgan. Muallifning eng mashhur asari "Axloqi muhsiniy" bo'lib, uni 1495-yilda yozib tugatgan. Asar Sulton Husayn Mirzoning o'g'li, temuriy shahzoda, Marv hukmdori Abulmuhsin Mirzoga bag'ishlangan. Kitobda musannif avval axloqqa oid biror so'z va tushunchani izohlab, o'quvchi unga amal qilishi uchun fikrlarini Abulgosim Firdavsiy, Nizomiy Ganjaviy, Jaloliddin Rumiy va boshqa mutafakkirlar asarlaridan iqtibos keltirgan holda asoslagan. Asardagi tarixiy qissalar qamrovi davr jihatidan juda katta bo'lib, ularda qadimgi yunon donishmandlari, turk, fors hukmdorlari, arab xalifalari va boshqalarning ibratli so'zlari va ishlari to'g'risida hikoya qilinadi.

317 bet. Kuniga 20 bet oʻqisangiz, taxminan 16 kunda tugatasiz.