Ikkinchi Jahon Urushi

Jahonning yirik siyosiy kuchlari orasida o'zaro kelishmovchiliklar yildan yilga kuchayib borayotgan bugungi kunda har bir inson bu kabi qarama- qarshiliklarning ildizi qachonga va qaysi tarixiy voqeliklarga borib taqaladi deb qiziqadi, bu to'g'rida to'liqroq ma'lumotlar olgisi keladi. Shu tomondan olib qaraganda taniqli ingliz siyosatchisi, davlat arbobi U.S. Cherchillning ushbu kitobi o'zbek o'quvchisini qiziqtiradigan, o'ylantiradigan savollarga yetarlicha javob bera oladi, deb o'ylayman. Bilamizki, dunyoning turli jamiyatlarida bo'lgani kabi o'zbek jamiyati orasida ham yaqin yuzyilliklarda bo'lib o'tgan va bugun yuz berayotgan siyosiy o'zgarishlar, kelishmovchiliklar yuzasidan turlicha yondashuvlar bildirilmoqda. Ko'pincha qarashlar orasida turlichalik, bir-biriga qarshi ishonchsizlik kayfiyati kuchayib borayotgani ko'zga tashlanadi. Buning negizida bir tomondan dunyoning turli qutblarga bo'linishi, ular orasida qay biri to'g'ri yo'ldan borayotgani, qay biri esa "noto'g'ri" yo'l tanla- gani bo'yicha tortishuvlar bo'lar ekan, har ikkala tomonning ham voqeliklar to'g'risida yetarlicha tasavvurga ega emasligi ko'rinib qolmoqda.