Meni kimdir eshityaptimi?

Farida Samir ning “ Meni kimdir eshityaptimi? ” asari shunchaki bir roman emas – bu insoniy fojia, qahramonlik, umid va qalbning ichki nidosi bilan to'la kuchli hikoya. Turkiyada sodir bo'lgan dahshatli zilzila voqealari asosida yozilgan bu asar real hayotdan olingan syujet orqali o'quvchini tahlikali damlarga olib kiradi. Asarda vayronalar ostida qolgan do'stlarning hayot uchun kurashi, kechinmalari, ozgina bo'lsa-da, umidni saqlab qolishga urinishlari yurakka bevosita ta'sir qiladi. Muallifning o'ziga xos samimiy va og'riqli uslubi voqealarni xayolimizda emas, go'yo ko'z o'ngimizda jonlantiradi. Bu roman – nafaqat tabiiy ofatning oqibatlari, balki insonlarning bir-biriga bo'lgan muhabbati, sabr-matonati va qat'iyati haqidagi hayotiy saboqdir. Har bir sahifada “Meni kimdir eshityaptimi?” degan nolani eshitasiz. Va bu savol – shunchaki sukunat emas, balki javob izlovchi qalbning ohangidir.