Zaminga sig'magan orzular

Ushbu to'plamda Bahodir Yo'ldoshev, Rimma Ahmedova, Dilorom Karimova, Murod Muhammad Do'st kabi millatimiz oydinlari bilan suhbatlar, san'at va adabiyot haqidagi maqolalar, esselarga keng o'rin berilgan. Kitobni qisqagina qilib “uyg'unlik jozibasi” deb ta'riflash mumkin. Nega bizda lanjlik hukm suryapti? Shoir tarannum etgandek, chindan ham yerdagi jannatda yashayapmizmi? Bali, biz o'zimizni ko'p narsadan, hatto haqiqatni ko'rishdan (aytish demayapman) ham ihotalab tashlagandirmiz. Dard miqyosi tor bo'lgani uchun badiiy va ekran asarlarida yurakning zarbi sustmikan? O'zimiz tanlagan ilmlilik, “oltin o'rtalik” deb ataganimiz sixni ham, kabobni ham kuydirmaslik istagi o'z-o'zidan matnga ekranga ko'chyapti. Afsuski, biz bugun “shaxs” deb ulug'layotgan ziyolilarni jadidlarning qismati va jasoratidan ko'ra ularga o'rnatilgan haykal ko'proq hayajonlantiradi. Ko'proq ko'rish

240 bet. Kuniga 20 daqiqa oʻqisangiz, taxminan 12 kunda tugatasiz.