Mazhablar birlik ramzi

MUQADDIMA Alloh taologa bitmas-tuganmas hamdu sanolar bo'lsin! Alloh taoloning Rasuli Muhammad sollallohu alayhi vasallamga tugal va batamom salavot va salomlar bo'lsin! Ammo ba'd: Mazhab deyilganda, asrlar osha mo'min-musulmonlar Alloh taoloning va Rasululloh sollallohu alayhi vasallamning sunnatlari asosida ijtihod qilib topilgan, U Zotning roziligiga erishtiruvchi yo'llarni tushunib kelmoqdalar. Aqiyda, fiqh va ruhiy tarbiya bo'yicha musulmonlar ommasi ittifoq qilgan yo'llardan birini tutgan odam uchun oqibat yomon bo'lishidan qo'rqilmasligi haqida ittifoq qilib kelinmoqda. Aslini olganda esa o'zi yo'l bitta, xolos. U ham bo'lsa, Alloh taoloning oxirgi va mukammal dini, qiyomatgacha boqiy qoluvchi dini hamda barcha zamonlar va makonlarda insoniyatga ikki dunyo saodat yo'lini ko'rsatib beruvchi dini Islomdir...