Sotilgan vijdon (qissalar)

O'zbek adabiyotining namoyandasi Isoqjon Nishonovdan zamonaviy detektiv qissa. Isoqjon Nishonov 1951 yil O'zbekiston Respublikasi Namangan viloyati Shaxand qishlog'ida, kolxozchi oilasida tug'ilgan. Shu qishloqda joylashgan umumta'lim maktabida tahsil olgan. Maktabni tugatgach Qurolli Kuchlar tarkibidagi qo'shinlarda muddatli harbiy xizmatni o'tagan. Harbiy xizmatdan so'ng o'z kolxozida mehnat qilish bilan birga oliy ta'lim muassasaning “O'zbek tili va adabiyoti” fakulteti sirtqi bo'limida ta'lim olgan. Ta'lim muassasini yaxshi baholarga yakunlab, umumta'lim maktabida o'qituvchilik qilgan. Isoqjon Nishonov 2000 yildan boshlab ijodiy ishlarga kirishgan. Uning birinchi hikoyasi tuman gazetasida chop etilgan. Shundan so'ng u ko'plab kichik hajmli hikoya va povestlar yozgan. “Afg'on shamoli” – uning birinchi serial-romanidir. Mazkur kitob 15 tomdan iborat bo'lib, bugungi kungacha uning 12 tomi chop etilgan.Hozirgi kunda uning serial-romanlari qayta-qayta nashr etilmoqda. “Afg'on shamoli” romanining birinchi tomi nemes tiliga tarjima qilingan hamda 2013 yil Germaniyaning «Shlosser» nashriyotida chop etilgan.