Qirollar to'qnashuvi

Jorj R.R. Martinning «Muz va Olov qo'shig'i» epopeyasi tarkibiga kiruvchi «Qirollar to'qnashuvi» romani zamonaviy epik fentezi janrining yuksak namunasidir. U «Qahramonlik dostonlari» haqidagi o'quvchi tasavvurini tubdan o'zgartirib yuboradi. Bu gal «Taxtlar o'yini» kitobida barchamizga qadrdon bo'lib qolgan qahramonlar bilan sarguzashtlarni davom ettiramiz, ularning quvonch va qayg'ulariga sherik bo'lamiz. Muallif an'anaviy «ezgulik va yovuzlik kurashi» qoliplaridan voz kechib, kitobxon e'tiboriga hokimiyatning turfa tabiati, siyosiy ambitsiyalar va insoniy fojialarni havola etadi. Asarda jamiyat va shaxs munosabatlarining chuqur tahlili ham bayon etilgan bo'lib, unda har bir qarorning og'ir badali borligi shafqatsiz misollar orgali ochib beriladi. Tabiiyki, yozuvchiga xos xususiyat - tugallanmaganlik va sir ketidan sirlar shodasi - ushbu kitobning ham qatlariga singib ketgan. Martin sehr-joduni siyosiy o'yinlarga ustalik bilan uyg'unlashtiradi. Bir so'z bilan aytganda, «Qirollar to'qnashuvi» - dunyoqarashni olis ufqlar sari kengaytiruvchi, insonning shafqatsiz hamda ziddiyatli tabiati haqida o'ylashga majburlovchi muhtasham san'at asari sifatida baholanadi. Tarjimada «Bantam Books» (AQSh) nashriyotining 2015-yilda chop etilgan maxsus nashri asos qilib olindi.