Timsollar tilsimi

"Ramzlar ongosti - ko'ngil tubining mevasi", deydi Erix Fromm va shuning uchun ham ularni biror chet tilini o'zlashtirgan kabi o'rganishni taklif etadi. Ushbu kitob esa ramzlar tilini o'rganishdagi urinishlarning bir ko'rinishi - dunyo xalqlari madaniyati, diniy, mifologik, poetik tafakkuridan bahramand bo'lish ishtiyoqining natijasi. Birinchi bo'limda bu tilni o'rganish jarayonida tug'ilgan fikr-xulosalar adabiy maqolalar tarzida berilgan. Turli manbalardan qidirib yig'ilgan, tarjima va tahrir qilingan, saralab, alifbo tartibida berilgan ma'lumotlar esa ikkinchi bo'limdan o'rin olgan. Uchinchi bo'limda Borxesning "Fantastik mavjudotlar kitobi", tarjimasi taqdim etilgan. Kitobda islom dinida shirk hisoblangan, ya'ni “xudolar”, “ilohlar” kabi so'zlarda miflarda aks etgan “ma'budlar” nazarda tutilgani uchun shartli ravishda qo'shtirnoq ichiga olingan.