Po'rtana (Ajdarho Komida)

Qo'lingizdagi kitobni insoniyat tarixidagi eng shonli va eng murakkab davr-XX asrning bir oila hayotida aks etgan qayg'ulari, quvonchlari solnomasi deyish mumkin. O'tgan yuzyillikda xalqimiz boshidan kechirgan yirik va mudhish voqea-hodisalar alohida olingan insonlar taqdiri misolida rejissyorning nigohi, yozuvchining nazari, olimning tahlili, faylasufning mushohadasi... eng muhimi, cho'ng inson qalbi bilan badiiy idrok etilgan. Kitobni mutolaa qilarkansiz, ko'nglingiz to'lqinlanib, ko'zingiz yolqinlanib, shuuringiz sergaklanib, tafakkuringiz tiniqlashib boradi. O'zingizga, umringizga va hayotingizga boshqacha rakursdan boqasiz. Biz bunga ishonamiz!