Bill Geyts. Texnodarg'a va filantrop

Qo'lingizdagi mazkur asar dunyo tobora raqamlashib borayotgan bir davrda faoliyati insoniyatning deyarli har bir vakili kundalik hayotida o'rin tutgan shaxs, "Microsoft" asoschisi — Bill Geyts haqida. Avvaliga chog'roqqina, ammo qat'iy maqsadga ega bu kichik korxona tarixdagi mislsiz darajada boy va istiqbolli, ijtimoiy ahamiyatga ega kompaniyalardan biriga aylandi. Ba'zan taniqli va boy insonlar qachondir juda kambag'al bo'lgani, ularning boyib ketish motivlari qiziqarli tuyuladi. Biroq mukammal omad egalari — yaxshi oilada tug'ilgan va risoladagidek ta'lim olgan iste'dod egalarida, baribir, muvaffaqiyat kutilmalari ko'proq bo'ladi, shunday emasmi? Ayni mazkur asar qahramoniga bu borada har tomonlama omad kulib boqqan. O'z bilimi, g'oyalari va uni amalga oshirishga bo'lgan qat'iyati va eng muhimi, tinimsiz mehnati bilan tarix sahifalarini yoza oladigan, uning o'zanini belgilashga sababchi bo'ladigan shaxs hayoti va korporativ yo'li har bir o'quvchi uchun qiziq bo'la oladi!