Ikki olam quyoshi Muhammad alayhissalom hayotlari (tarjimon Sayfiddin Sayfulloh)

Payg'ambarimiz Muhammad Sollallohu alayhi vasallam hayoti eng ulug' va eng ibratli tarixdir. U zot alayxissalomning oltmish uch yillik hayotlari davomida to qiyomatgacha keladigan insoniyat uchun buyuk dasturilamal bo'ldi. Payg'ambarimizning payg'ambarlikkacha bo'lgan hayotlari umrlarining 40 yilini o'z ichiga olgan edi. Islomga da'vat boshlanmagan bu davrni "johiliyat davri", deydilar. Ne ajabki, Payg'ambarimiz Sollallohu alayhi vasallam ana shu johiliyat davrida ham insoniylikning oliy namunasi edilar. Butlarga hamma sig'inadigan bir zamonda Payg'ambarimiz Sollallohu alayhi vasallam biror marta butga sig'inmaganlar. Abu Tolib makkaliklarning katta bir butiga sig'inishga Payg'ambarimizni undaganda u zot: "Aslo sig'inmayman", deganlar. Darhaqiqat, qo'lingizdagi ushbu kitob Rasululloh Sollallohu alayhi vasallamning bosib o'tgan ana shu ibratli hayoti haqida hikoya qiladi.