Ogahiy devoni

Muhammadrizo Erniyozbek o'g'li Ogahiy nafaqat Sharq mumtoz so'z san'ati, balki jahon adabiyoti xazinasiga o'z she'rlari, tarixiy asarlari va tarjima kitoblari bilan munosib hissa qo'shgan zabardast o'zbek shoirlaridan hisoblanadi. Sharq she'riyatining deyarli barcha janrlarida mahorat bilan qalam tebratgan serqirra va sermahsul qalam sohibi Ogahiy "Ta'viz ul-oshiqin" devonining to'liq holda nashrga tayyorlangan nusxasidan o'rin olgan yetuk g'azal, ruboiy, qit'a, mustazod, murabba', muxammas, musaddas, tarje'bandlar o'zining shaklan go'zalligi, mazmunan teranligi, badiiy yuksakligi bilan nazm ixlosmandlariga, madaniyat va san'at ahliga munosib tuhfa bo'lishi shubhasiz.