Halqa (qissa va hikoyalar)

Ushbu kitobdan o'rin olgan qissa va hikoyalar mavzusi, qahramonlarning qiyofasi, hayotda tutgan o'rni nihoyatda ishonarli aks ettirilgan. Ularda siz-u biz bilan hamnafas yashayotgan insonlarning o'zgalarnikiga o'xshamaydigan turmush tarzi, o'y-kechinmalari, betakror xarakteri mahorat bilan tasvirlangan. Muallif o'z qahramonlari boshidan kechirgan murakkab vaziyatlarni ortiqcha bo'yab-bejamasdan, nihoyatda ishonarli gavdalantiradi. Muhimi, u inson tabiatidagi chigalliklarni, hayotning turfa ziddiyatlarini haqqoniy yoritib, qahramonlarning quvonch va tashvishlar og'ushida kechadigan hayotini mahorat bilan qalamga oladi.