Hadis va hayot. Namoz (5-juz)

Shayx Muhammad Sodiq Muhammad Yusuf hazratlarining qalamlariga mansub «Hadis va Hayot» turkumining «Namoz» deb nomlangan 5-juzisavdoga chiqarildi. Ma'lumingizkim, «Hadis va Hayot» silsilasi mashhur alloma, Qohiradagi «al-Azhar» dorilfununi mudarrislaridan biri shayx Mansura Ali Nosif hazratlarining «At-toj al-jome' lil-usul fii ahadiysur Rasul» («Rasul sollallohu alayhi vasallamning hadislaridan asllarni jam qiluvchi toj») deb nomlangan ulkan asarlariga yozilgan komil va shomil sharhlardan iborat to'plamdir. «Hadis va Hayot» silsilasining dastlabki juzlari chop etilishi bilan kitobsevarlarning sevimli asariga aylanib, ko'plab muxlislarning javonlaridan, mo'min-musulmonlarning qalbidan chuqur va munosib o'rin oldi. Endilikda mazkur silsila tarkibiga kiruvchi kitoblar qaytadan nashr qilina boshlandi. Ushbu juzlarda dastlabki nashrlarda yo'l qo'yilgan ba'zi xato va kamchiliklar bartaraf etilib, ilmiy ma'lumotlar tahqiq qilingan bo'lib, bu mazkur nodir asar saviyasining yanada yuqoriroq bo'lishini ta'minladi. Namoz dinning ustuni va mo'minning me'roji ekanini hammamiz yaxshi bilamiz. Bu ibodatning qadr-qimmati va fazlu barakoti ham baland. Shuning uchun Hadis va Hayot kitobining 3 ta juzi - 5, 6, 7-juzlari ushbu mavzuga bag'ishlangandir. Shu bilan birga, namozning ahkomlari ko'pligi va amallari o'ta daqiqligini to'la anglab yetmay turib, ularni ilmiy asosda o'rganmay turib, hayotimizga to'la tatbiq etmog'imiz qiyin. Ushbu kitob namozga oid ko'pgina masalalar yuzasidan hamma uchun kerakli va zarur hukm va ma'lumotlarni o'z ichiga olgan. Uni diqqat bilan o'qib chiqsangiz, Islomning ulug' ustuni – namoz ibodati haqida yetarli va mukammal ma'lumot olmog'ingiz mumkin. Siz unda Islomning besh ruknidan ikkinchi ruknni bo'lgan namozning farzligi va fazli haqida, uning xikmatlari xaqida batafsil ma'lumot olasiz.