Avliyo qirol Lyudovik ko'prigi

Ulug'vorlik va mo'jizakorlik sir-sinoatlarini hayotga qaraganda san'atning o'zi rad etib bo'lmas darajada isbotlay oladi. Yozuvchining o'zi e'tirof etganidek, endi majburiy jangga chorlangan yigitlarning norozilik va qiyinchiliklari shon-sharafning shuhratli yo'llariga evriladi, turmushga chiqiboq barcha orzu - umidlaridan mosuvo bo'lgan qizlar esa afsonaviy Penelopadan qolishmasliklarini isbot etadilar, ayollar keyinchalik hayotning ikir-chikirlariga o'ralashib ado bo'ladigan ojiz va notavon ezma-churiklarga emas, o'n ikki jasorati bilan barcha xalqlar orasida beqiyos shuhrat qozongan bo'lajak Gerakllarga ko'krak tutadilar. 1927 yilda nashrdan chiqib, katta shov-shuvga sabab bo'lgan «Avliyo qirol Lyudovik ko'prigi» romani Tornton Uaylderning ana shunday o'yga toldiruvchi asarlardan biridir. «Avliyo qirol Lyudovik ko'prigi» o'zbek o'quvchilarini ummon orti katta adabiyotidan xabardor etishi bilan ahamiyatli.