Qora Ko'zlar

Mixail Yuryevich Lermontov (1814-1841) jahon adabiyotining eng noyob iste'dodlaridan biri hisoblanadi. U ulug' Pushkin ijodiga havas bilan qarab, rus she'riyatini yangiladi. Bor-yo'g'i yigirma yetti yil umr ko'rgan bo'lsa ham, abadiyatga daxldor daho san'atkorga aylandi. Uning nasriy asarlari ham, ayniqsa, “Zamonamiz qahramoni” romani rus nasrini yuksak pog'onaga olib chiqdi. Muhimi shundaki, Lermontov ijodi chor Rossiyasining mustamlakachilik siyosatiga berilgan qaqshatqich zarba bo'lishi barobarida, mazlum xalqlarni qo'llab-quvvatlovchi o'chmas erk qo'shig'iga aylandi. Ushbu kitobni o'qib chiqsangiz, bunga o'zingiz ham ishonch hosil qilasiz.