Yapon xalq ertaklari. Yetti ertak 2 (O'zbek-rus-ingliz tilida)

Yaponiya mana bir necha yillar hamon hammani hayratga solib kelmoqda. Fan, texnika, iqtisoddagi yutuqlar Yaponiyani mo'jizalar mamlakati deb atalish darajasigacha ko'tardi. Bugun buni hamma biladi va tan oladi. Gap shu haqida ketsa "Ular juda ilgarilab ketishdi, endi ularga yetib olish amrimahol..." deguvchilar bor va afsuski hatto ko'p. Men bunday deguvchilarga qo'shilmayman. Avvalo, asosan nimaning evaziga bu darajaga ko'tarilganliklarini bilish, tushunish kerak. Yaponiyada bolalar ta'limi-tarbiyasi sohasi rivojlana borgani sari mamlakat yuksala bordi, xalqning turmush darajasi eng ilgari o'rinlarga yetdi. Xalq bir tan, bir jon bolib, hamma bir yoqadan bosh chiqarib ta'limni, tarbiyani o'yladi. Yapon mentalitetining alohida yorqin qirralari - mehnatsevarligi, intizomlligi, ko'pchilikka va oilasiga bo'lgan sevgisi va kattalarga bo'lgan hurmatidir. Bu xususiyatlar bolaga yoshligidan singdirib boriladi. Bolalar tarbiyasida badiiy asarlar, xalq ertaklari muhim ahamiyatga ega. Yapon ertaklari o'zining ta'sirchanligi, go'zallikni his qilishi, jonzotlarni, tabiatni sevishni o'rgatishi bilan ajralib turadi. Ko'pchilik xalq ertaklari kabi Yapon xalq ertaklarida ham oliyjanoblik g'alaba qiladi. Qo'lingizdagi Yapon xalq ertaklarini o'qish davomida kayfiyatingiz ko'tariladi hamda mo'jizaviy Yaponiya davlatini va odamlarini o'rganasiz, deb umid qilamiz. Ko'proq ko'rish

40 стр. Если читать по 20 минут в день, вы закончите её примерно за 2 дня.