Temur tuzuklari

"Temur tuzuklari", "Tuzuki Temuriy", "MalruzotiTemuriy", "Voqioti Temuriy" nomlari bilan ham mashhur bo'lgan "Temur tuzuklari" asari ikki qismdan iborat. Birinchi qismda Amir Temurning tarjimai holi, ijtimoiy-siyosiy faoliyati, uning Movarounnaxrda markaziy hokimiyatni qo'lga kiritishi, siyosiy tarqoqlikka barham berishi markazlashgan davlat tuzishi, 27 mamlakatni, o'z tasarrufiga kiritishi, buyuk sohibqiron tilidan ixcham tarzda bayon etilgan. Ikkinchi qismida esa mashhur jahongirning farzandlariga atalgan o'ziga xos vasiyat, pand-nasihatlari va o'gitlaridan iborat. Unda davlatni idora etishda kimlarga tayanish, toj-u taxt egalarining tutumi va vazifalari, vazir va qo'shin boshliqlarini tanlashi, armiyaning tuzilishi va jang olib borish qoidalari, sipohiylarning maoshi, mamlakatni boshqarish tartibi, davlat arboblari va qo'shin boshliqlarining burch va vazifalari, amirlar, vazirlar boshqa mansabdorlarning toj-u taxt oldida ko'rsatgan alohida xizmatlarini taqdirlash yo'sini va boshqalar xususida gap boradi.