Vose' (Saylanma III)

XXI asr jahon progressiv she'riyati nihoyatda serqirra va rango-rang. Bu buyuk ummonga ulkan dengizdek quyilib, yana-da boyitib kelayotgan o'zbek she'riyatida yangicha badiiy oqimda ijod qilayotgan iste'dodli shoir Hakim Abdulla bitiklarini tamomila noan'anaviy yo'l, ya'ni modernizm, falsafa va tasavvuf uyg'unligida ilg'ash mumkin. Haq ne'mati ko'ngil yomg'irzoridan so'ng yana-da shaffoflangan she'riyat olamining kamalakdek jilvalari, ijtimoiy tafakkurdagi universalizm hodisalari, badiiy did taraqqiyoti, o'ziga xoslik, betakror xilma-xillik, fikru qarashlar, his-tuyg'ularning yangicha mantiqiy oqimini ihota qilishga ichki ehtiyoji bor aziz she'rxon, sizga «Vose'»ni o'qish va uqish, anor donalaridek sochilgan marvarid bitiklari shodasi tovlanishlarini idrok etish, qabul qilish erki, lazzati va intellektual estetik yuksak cho'qqilar sari parvoz aylash muborak bo'lsin!