Uch qalb nolasi (qissa va hikoyalar)

Qo'lingizdagi kitobni o'qir ekansiz, inson qalbining ezgulik va yovuzlik oralig'ida, insoniy va hayvoniy istaklar qarama-qarshiliklari girdobida chirpirak bo'lib aylanishiga guvoh bo'lasiz. Agar yaxshilab mulohaza qilsangiz, bu o'tkinchi dunyoning turfarang ohanjamalaridan o'zlikni himoya qilish va boqiy dunyoga yorug' yuz bilan borish uchun Odam farzandlariga har doim avvalo rahmoniy yo'l ochiq-oydin ko'rsatib qo'yilishini ilg'ab olasiz. Shu bilan birga, shaytoniy yo'l ham mana man deb o'ziga chorlab turadiki, ana shu chegarada insonga o'zlikni anglash malakasi kerak bo'ladi va bu uning taqdirini hal qiladi. Badiiy adabiyotning eng muhim vazifasi o'laroq, mazkur kitob ham siz, aziz kitobxonga o'zlikni anglash, hayot haqida chuqurroq mulohaza yuritishda eng yaqin do'stingiz kabi qadrli bo'lib qolishiga ishonamiz.