Bo'ston

Sa'diyning “Bo'ston” nomli pandnoma asari necha asrlar davomida maktab bolalari uchun darslik bo'lib xizmat qilgan. Bu asarning ahamiyati hozirgi kunda ham zarracha kamaymaganligiga mutolaa jarayonida amin bo'lasiz. «Bo'ston» o'n qismdan iborat bo'lib, uning tarkibiy tuzilishi quyidagicha: hamd; na't; kitobning yozilish sababi; Abu Bakr bin Sa'd bin Zangiy madhi; Sa'd bin Abu Bakr bin Sa'd madhi; birinchi bob — odilligu tadbiru andisha zikrida; ikkinchi bob — ehson zikrida; uchinchi bob — ishqu oshiqligu mastlik zikrida: to'rtinchi bob — tavoze' zikrida; beshinchi bob — rizo zikrida; oltinchi bob - qanoat zikrida; yettinchi bob tarbiyat olami zikrida; sakkizinchi bob — shukru omonlik zikrida; to'qqizinchi bob — tavba va savob yo'li zikrida; o'ninchi bob — munojot va kitob xotimasi zikrida.