Yuragimda sensan

Sevgi-muhabbat tuyg'usi nafaqat insonning tanasidan, balki uni o'rab turgan olam-tevarakdan kengroq tushuncha. "Muhabbat" deya atalmish tilsimot unga rohat baxsh etish bilan birga xuddi shu kabi og'riq va azoblarga duchor qiladi ham. Bir vaqtning o'zida ham rohatlanish, ham azoblanish... Ishq, sevgi, muhabbat, sog'inch azobi, kutish toqati, uyqusizlik, ruhiyatiga yoqqan musiqani qayta-qayta eshitaverib to'ymaslik, ishqiy sarguzashtga boy kino va sahna ko'rinishlarini hayajon bilan tomosha qilish, bu yo'nalishda mahorati bo'lsa-bo'lmasa surat chizish, she'riy misralar bitish, ishqiy maktublar yozish, qo'shiqlarni xirgoyi qilish, devona-yu telbalarga xos odatlar orttirish… Sanayversa adog'i yo'q... Bunday tashxisi serob “dard”ning yana bir da'vosi — mutolaa… Yaxshi kitob, tanish tuyg'ular tarannumi, ishqiy sarguzashtga boy voqea-hodisalar rivoji haqidagi adabiyotning o'z o'quvchilari bor. Muallif Elzod Sultonovning navbatdagi kitobi “Yuragimda sensan...” deb ataladi. “Yuragimda sensan...” yoxud yurak tomchilari bilan yozilgan badihalar to'plami — Siz kutgan asar! Marhamat, o'qing, nozik tuyg'u tarannumiga bag'ishlangan mazkur nashr Siz aziz kitobxonlar uchun ajoyib tuhfa!