Sharaf yo'li

Sharaf yo'li Tog'ning yuksakligi masofadan yaqqolroq ko'zga tashlanadi, deyishadi. Yillar o'tgan sayin biz ham xalqimizning ulug' farzandi, atoqli davlat arbobi va yozuvchi Sharof Rashidovning el-yurtimiz uchun qanchalar fidoyi rahbar, betakror va benazir shaxs bo'lganini teranroq his etib, anglamoqdamiz. “Sharaf yo'li” romanida sho'ro davridagi murakkab sharoitda respublikani deyarli chorak asr sharaf bilan boshqargan, doimo el-yurt manfaatini o'ylab yashagan, xalqning asl ehtirom-e'zoziga sazovor bo'lgan yetakchining dolg'ali kechmishi va jo'shqin faoliyati yoritilgan. Umid borki, millatimiz qahramoniga aylangan ulug' arbob Sharof Rashidovning hayot yo'li, bemisl yutuq-g'alabalari, muvaffaqiyatlari, ayni paytda, mag'lubiyati va ko'ngil iztiroblari aks etgan asar o'quvchilarimizni befarq qoldirmaydi, ularni bugungi kunimiz uchun ham muhim, ko'lamdor xulosalar, saboqlar chiqarishga undaydi. Kitobdan, shuningdek, ilk o'zbek advokati, talaba yoshidayoq ulug' Lev Tolstoyga maktub yozib, uning “Yovuzlikka qarshi yovuzlik bilan javob bermaslik” g'oyasi borasida bahslasha olgan taniqli noshir, rejissyor, tarjimon, sho'ro qatag'oni qurboniga aylangan Ubaydulla Xo'jayev haqidagi “Jadid” qissasi ham o'rin olgan.