Keyingi bekat

O'zbekiston Yozuvchilar uyushmasi va "Adabiyot" nashriyoti taqdim etadi! Atrofimizdagi hayotiy voqealarga goh jiddiy, goh samimiy kulgi va o'tkir yumor bilan boqishni xohlaysizmi? Unda yosh va serg'ayrat ijodkor Kamoliddin Ro'zimatovning kutilgan ma'naviy tuhfasini qarshi oling! Ushbu asar Yozuvchilar uyushmasining yosh iste'dodlarni kashf etuvchi nufuzli "Birinchi kitobim" loyihasi doirasida, an'anaviy Zomin seminari yakunlariga ko'ra ustozlar e'tirofi bilan nashrga tavsiya etilgan. To'plamdan joy olgan badiiy-publitsistik maqolalar o'quvchini ham mushohada qilishga, ham hayotga teran ko'z bilan qarashga chorlaydi. Muallifning ijodiy mas'uliyati va kuynchaklik bilan yozilgan har bir satri sizni befarq qoldirmaydi. Jamiyat hayotining qaynoq nafasi urib turgan, har bir mushtariy o'zi uchun kerakli xulosalar chiqaradigan ushbu ajoyib kitobni birinchilardan bo'lib mutolaa qiling!