Shohruh va Gavharshod (Turon zamin)

Sohibqiron Amir Temur barpo etgan ulkan saltanat vafotidan so'ng, vorislar o'rtasidagi o'zaro ziddiyat tufayli parchalanib ketadi. Har bir Temuriyzoda o'zi o'rnashgan hududni saqlab qolib, Samarqand taxtini egallashga urinadi. Ichki kurash har bir mulkdagi iqtisodiy-ijtimoiy ahvolga putur yetkazadi. Aholi bunday boshboshdoqliklardan ko'p aziyat chekadi. Mana shunday og'ir vaziyatda Shohruh Mirzo imkon qadar otasidan qolgan mamlakatni ulug'vor holda saqlab qolishga intiladi. Davlatning oxiri ko'rinmas og'ir ishlarida Gavharshod begim unga har tomonlama yordam beradi. Asarda hukmron oilaning mamlakatdagi oliy maqomidan bo'lak, oddiy inson sifatidagi fazilatlari ham mahorat bilan qalamga olinadi.