Meros (Turon zamin)

Insonning qo'li gul. Uning ziynati ezgu amalida. Yuz yil yashagan baxil odam xotirasi lahzaga yetmas, biroq o'zidan unumli ish qoldirgan insonning qisqa hayoti ham abadiyatga tendir. O'tgan asrning atoqli yozuvchilardan bo'lgan Pirimqul Qodirov Yolqinjon siymosida har bir zahmatkash o'zbek o'g'lonining hayot yo'lini tasvirlaydi. Cho'l-u biyobonlarni, qo'riq yerlarni bog'-u rog'larga aylantirish kishidan ulkan jasorat, bukilmas metin-irodani talab etadi. "Meros" asarini o'qir ekansiz, zahmatkash ota-bobolarimiz o'tgan asrda qanday jonkuyarliklar qilganini yaqindan his etasiz. Beixtiyor shunday mehnatkash millat vakili ekanligingizdan qalbingizda g'urur-iftixor tuyasiz.