Bizni qanday boshqarishadi

Psixologik urush razvedka va targ'ibot vositalari orqali olib boriladi. Avvalo, nishon qilingan guruh yoki jamiyatning ijtimoiy psixologiyasi o'rganiladi va ularning zaif tomonlari aniqlanib, aynan shu nuqtalardan psixologik zarba beriladi.Bu urushda asosiy maqsad - bor bo'lmagan narsani bordek ko'rsatishdir. Bunga erishish uchun esa kuchli axborot kampaniyalari, chalg'ituvchi targ'ibot usullari ishlatiladi. Faqatgina bu urushda qo'llaniladigan vositalar o'zgarib kelmoqda. Psixologik urushning eng muhim belgisi - nishon qilingan shaxs yoki guruhning o'z mag'lubiyatini to'liq tan olishidir. Hozirgi kunda bu urush turli dalillar va ayblovlar orqali amalga oshirilmoqda. Deyarli har bir yangilik ostida bu urushning izlarini ko'rish mumkin. Har bir muhim voqeadan keyin ro'y berayotgan hodisalarni tahlil qilganimizda, vaziyatning naqadar jiddiyligini yanada aniqroq tushunamiz. Ammo biz uchun eng katta umid beruvchi jihat - bu urushda kim g'alaba qozonishini oxir-oqibat bizning o'zimiz hal qilishimizdir