Yangi uy (The New Home)

Gulruh Markayeva ‒ yosh, iste'dodli yozuvchilarimizdan biri. U adabiyotda o'z o'rniga ega bo'lish, o'z ovozini eshittirish uchun mudom harakatda. Hikoyalarida hech kimni takrorlamaslikka, o'ziga xos uslubga ega bo'lishga harakat qiladi. Hayotni sinchkovlik bilan, butun ikir-chikirlarigacha kuzatib qalamga olishga intiladi. Qahramonlari hayotiy, topilmalari original, tili shirali, chiqargan xulosalari go'zal, o'quvchiga aytadigan gapi, dardi bisyor. Kitob ikki qismdan iborat bo'lib, birinchi qismda hikoyalar o'zbek tilida, ikkinchi qismda esa ushbu hikoyalarning ingliz tilidagi tarjimasi keltirib o'tilgan. Mazkur hikoyalar chin adabiyot muxlislariga manzur bo'ladi degan umiddamiz.