Mangu ovoz

O'tkir Rahmat she'riyatida hamisha ezgulikka oshuftalik, yaxshilikka oshiqlik, mehr-muhabbatga tashnalik kabi tuyg'ular balqib turadi. Bu she'riyat hissiyot chashmasidan suv ichadi, tabiatning rango-rang manzaralaridan ilhomlanadi. Bir so'z bilan aytganda, shoir ko'ngildan olib ko'ngilga tuhfa etadi. Bugun shunday tuhfalardan jamlangan mo'jaz she'riy to'plam - "Mangu ovoz" qo'lingizda turibdi. Uni bir o'tirishda yoxud bir nafasda o'qib chiqishning imkoni yo'q, ash'orlar zamirida yotgan ma'nolarni anglash uchun aqlingiz hamda qalbingizni qiynashingizga to'g'ri keladi. Biroq, unutmangki, mutolaadan sơ'ng afsuslanmaysiz, qaytanga o'tgan har bir soniyangizdan ma'no axtarasiz, topasiz, dilingiz xushnud boladi, ruhingiz she'riyat olamining sirli go'shalariga sayohat etadi, so'ngra yon-atrofga qaraysiz "Nahot, shuncha go'zallikni avval payqamagan bo'lsam?" deya. Shoirning "Mangu ovoz"i barchamizga muborak bo'lsin!