Abadiyat qonuni

Abadiyat qonuni ( gruzincha : მარადისობის კანონი ) — 1978-yilda gruzin yozuvchisi Nodar Dumbadze tomonidan yozilgan roman. Abadiyat qonuni romani nafaqat Gruziyaning o'zida, balki ko'plab boshqa yurtlarda ham izlab topib o'qiladigan asarlar qatoridan joy olgan.1983-yilda o'zbek tiliga tarjima qilinib 30 000 nusxada nashr etilgan. Keyinchalik 2011-2014-yillarda Sharq NMAK tomindan hikoyalar bilan birga 463 betli qattiq muqovada qayta nashr etilgan. Roman qahramoni yozuvchi Bachana Ramishvili yurak xurujidan so'ng kasalxonaga tushadi. Kasalxonada u butun hayotini birma bir eslaydi va abadiyat qonunini kashf etadi. Romanda insonning hayotdagi o'rni, undan talab etiladigan fidoyilik, halollik, vijdonlilik, adolatparvarlik xususiyatlari to'g'risida keng mushohada yuritilgan. Adibning aksariyat asarlaridagi voqea, hodisalar insonlar taqdiri o'zining o'tkir dramatizmi bilan birga samimiy yumori bilan ham o'quvchi yodida uzoq saqlanib qoladi. Ushbu asarda ham voqealar keskin rivojlanadi. Bosh qahramon Bachana Ramishvili haqiqiy ma'nodagi sodda va samimiy yozuvchi obrazida tasvirlangan. U ta'magirlarni va poraxo'rlarni yomon ko'radi. Asarda mehr-oqibat, muhabbat, nafrat, shodlik, hayo va or-nomus tushunchalari uyg'unlashtirilgan.