Toqat

Har bir yetuk, elning suyukli shoirining ijodi, hayot yo'li o'ziga xos. Taqdir yozug'idan qochib bo'lmaydi. Bu borada fidoyilik, jonkuyarlik qilish, har ishga vijdonan yondashish muhim. Zotan, shoir o'z xalqini sevsa, uning dardini, og'irini yengil qilishga intilsa, yonadi, go'zal-tirik ash'or bitadi. Biroq unga to'sqinlik qiladiganlar, har tomonlama xalal beradiganlar bor. Hiylagar hamkasblar, xudbin sheriklar, mahmadona rahbarlar g'oya bo'ladi. Xo'sh, chirkin muhitga ko'nikish, gaddorlarga bo'yin egish kerakmi? Karim Bahriyevning mazkur kitobidan joy olgan she'rlarning aksariyatida xalqning o'rtangan, yongan, kuygan, iztirobga to'la hayqiriq-nidosi doim eshitilib turadi. Shuningdek, muhabbat, mehr-oqibat mavzusidagi falsafiy she'rlari o'kuvchiga, albatta, manzur bo'ladi. Zero, «Haqning qulimiz, haqiqatning talabgorimiz» shiorini bayroq qilgan muallifning falsafiy mulohazalari uzoq yillik kuzatuvlari silsilasidir. Bir go'zal kitob sizlarga muntazir, azizlar!