Ona tili va Adabiyot savol javob kitobi

Keyingi yillarda maktab, litsey va kollejlarning bir qator darsliklari qayta ko'rib chiqilgan holda yangidan nashr qilindi. Bu esa o'quvchilar va o'qituvchilarga, ayniqsa, oliy ta'lim dargohlariga o'qishga kirishni maqsad qilgan abituriyentlarga mo'ljallab chop etilgan kitoblar, xususan, savol-javob tarzida tayyorlangan qo'llanmalarni yangi darsliklarga mos holatga keltirish va qayta nashr etishni taqozo qiladi. Qo'lingizdagi kitob mualliflarning shu nomda avval chop etilgan kitobi to'ldirilgan qayta nashri bo'lib, unda yangi darsliklardan foydalanilganligi e'tiborga molikdir. Ushbu qo'llanma umumta'lim maktablarining ona tili va adabiyot darsliklari, shuningdek, «Adabiyot qoidalari», «Xalq og'zaki ijodi» kitoblari asosida tayyorlangan. Oliy o'quv yurtlariga kirish imtihonlariga tayyorlanayotgan abituriyentlar, o'quvchilar. o'qituvchilar, ona tili va adabiyot faniga qiziqqan keng kitobxonlar ommasi uchun mo'ljallangan.