Imtihonga tayyormisiz

Imtihon inson hayotidagi eng og'ir lahzalardan hisoblanadi. Zero, qanday imtihon bo'lishidan qat'iy nazar, u kelajakka o'z ta'sirini o'tkazadi, ba'zan hatto hal qiluvchi ahamiyat kasb etishi mumkin. Jumladan, oliy o'quv dargohlariga kirish uchun topshiriladigan test sinovlari ham ko'pincha hayot-mamot masalasiga aylanadi. Bu esa ba'zan imtihon topshiruvchining juda katta ruhiy bosim ostida qolib ketishiga, natijada o'z imkoniyatlarini to'la ishga sololmay qolishiga sabab bo'lishi mumkin. Oddiy savollarga nega javob berolmaganligini tushunolmay imtihondan so'ng kuyunib yurganlarni ko'p ko'rganmiz-ku... Xo'sh, aslida, bunday xavfdan himoyalanish mumkinmi? Qo'lingizdagi kitobcha aynan shu haqda.