Tana tili haqida mukammal kitob

Inson so'z bilan aldashi mumkin. Ammo uning tanasi doimo haqiqatni so'zlaydi. Qo'l harakati, ko'z qarashi, jilmayishdagi mayda o'zgarishlar — bularning bari maxfiy bir til. Uni o'qishni o'rgangan kishi suhbatdoshining ko'nglidan kechayotganini u og'iz ochmasidan biladi. Allan va Barbara Piz tana tili bo'yicha jahonga mashhur ushbu qo'llanmada imo-ishoralar va yuz ifodalarining yashirin ma'nolarini sodda hamda amaliy tarzda ochib beradi. Ushbu kitob sizga quyidagilarni o'rgatadi: ilk daqiqadayoq ijobiy taassurot qoldirishni; suhbat va muzokaralarni o'z foydangizga burishni; kimdir yolg'on gapirayotganini fosh etishni; so'zlar ortidagi tagma'noni o'qishni; muhabbat belgilari va hukmronlik o'yinlarini tanib olishni; maqsadingizga erishish uchun tana tilidan foydalanishni. Ushbu kitobni o'qigach, atrofingizdagilarni butunlay boshqacha ko'ra boshlaysiz — har bir imo-ishora ortidagi haqiqatni ilg'aysiz.