Biznesdagi 99 xato va ularning yechimlari

Tadbirkorlar turli muammolar bilan bizga murojaat qilishadi. Bizneslar turli xil bo'lsa-da, ko'pincha muammolar bir xil ekaniga guvoh bo'lamiz. Bir xil muammolar bilan takror-takror murojaat qilinishi bizni shu muammolar va ularga sababchi bo'ladigan xatolikarni jamlab, kitob shakliga keltirishga undadi. Kitobda o'zimizning bir necha yillik tajribamiz, ko'plab mijozlarimiz va kouching kurslarimizda o'qigan uch mingga yaqin tadbirkorlar yordamida olingan tajribalar va, asosiysi, ustozlarimizning ulkan tajribalari o'z aksini topdi. Bunda berilgan tavsiyalar ayni O'zbekiston va qo'shni davlatlar sharoitiga mos keladi. Kitobda o'zbek biznesida, o'zbek tadbirkorning hayotida uchrab, uni qiynab kelayotgan 99 ta eng asosiy xatolik haqida so'zladik va ularning har biriga amaliy yechim taqdim etdik.