Talaffuz kamchiliklarini bartaraf etish

Olimlarning fikricha, maktab yoshigacha bo'lgan bolalar orasida 10-25 foizgacha turli ko'rinish va darajadagi nutqiy nuqsonlar kuzatiladi. Nutq nuqsonlari bola nutqi va tafakkurining yetarlicha shakllanmasligi, keyinchalik esa, bilimlarni mukammal o'zlashtirishda salbiy ta'sir ko'rsatadi. Bunday holat bolalarga o'z vaqtida logopedik yordam ko'rsatishni taqozo qiladi. Mazkur qo'llanmada nutqning shakllanish mexanizmlari, analizatorlararo bog'lanishning ahamiyati, ularning shikastlanishi natijasida sodir bo'lgan nutqiy kamchiliklar tasnifi yoritilgan. Talaffuzdagi kamchiliklari nafaqat alohida, balki boshqa nutqiy nuqsonlar oqibatida yuzaga kelgani bois qo'llanmada asosiy e'tibor tovushlarni hosil qilish, ularni mustahkamlash va nutqqa kiritish, fonematik eshitish qobiliyatini rivojlantirish hamda lug'atni boyitish masalalariga qaratilgan. Mazkur qo'llanma poliklinika, umumiy va ixtisoslashtirilgan maktab, maktab-internat hamda maktabgacha ta'lim muassasalari logopedlari hamda tarbiyachi va boshlang'ich sinf o'qituvchilari uchun mo'ljallangan.