Odam tanasining tuzilishi (Mening birinchi ensiklopediyam)

Inson tanasida har bir soniyada yarim millionga yaqin kimyoviy reaksiyalar sodir bo'ladi. Inson tanasi ko'plab jarayonlarni nazorat qilish imkonini beradigan muayyan noyob sxema bo'yicha ishlaydi. Yoshligimizdanoq tanamiz bilan sodir bo'ladigan o'zgarishlarni kuzata olamiz. Albatta, barcha o'zgarishlarni kuzatib borishning imkoni yo'q chunki hujayralarning o'sishi va rivojlanishi ham uyquda, ham uyg'oqlikda sodir bo'ladi. Ko'pincha, biz o'zimiz, ayniqsa o'smirlik davrida bo'yimiz qanchalik tez o'sayotganini anglab yetmaymiz. Bu davrda organizmni zarur vitaminlar bilan ta'minlash va mushaklarning baquvvat bo'lishi uchun faol harakat qilish muhim sanaladi. Ba'zan tananing ichki qismida buzilishlar sodir bo'lganda inson kasallikka duchor bo'lishi mumkin. Organizmning kasallikni yengishiga yordam berish uchun o'z salomatligingizga g'amxo'rlik qilishingiz kerak. Sog'liq, bardoshlilik va a'lo kayfiyat organizmdagi kasalliklarni osonlik bilan yengishga yordam beradi. Kun tartibi, to'g'ri ovqatlanish, jismoniy tarbiya va shaxsiy gigiyena qoidalariga rioya qilish, bu o'zimizni baquvvat va chiroyli qilishning uzoq vaqtdan beri tasdiqlangan usullari hisoblanadi.